KHUSHI MANGATI HAI ZINDAGI

Its been a long time i have written something but the events that took place back home in India made me write these few lines. Might be poem is not gud enough but it doesn't matters what matters is the feelings

aj kal najane kyun hum me khud ko dhund rahe hai, 
kyun shor me bhi sanate ko mehsus kar rahe hai,
andhkar aur ujale me ek kashmakash lagne lagi hai, 
khwabon se zyada unke tutne ka dar lagne laga hai. 

kya milega tujhe e insaan ek dusre ko marne se,
zara dekh kitna sukun milta hai kisi ke khilkhilane se,
dhamakon ki goonj aur zindagi ki khushi dono seene me hoti hai,
fark itna ki ek angare ki tarah dehakta hai aur dusra phool ki tarah mehakata hai.

band karo ab ye mujhpe tujhep ilzaam lagana,
band karo allah aur ram ke mele alag alag sajana,
milne do majid ko mandir se,
milne do insaan ko insaaniyat se.

lagta hai samay a gaya hai,
lagta hai naye surya uday ka waqt a gaya hai,
ab zindagi roz humse ek naya mod mangne lagi hai,
khushi ab chehre se dil ka rasta poochne lagi hai.

zindagi ki kashmakash ab roz ek maqsad lag rahi hai,
aur is kashmkash ko ek din jeetne ki umeed jag rahi hai,
shayd mauka hai ki ab is kashmkash ke pinjare se udane diya jaye panchi ko,
khilne diya jaye ab jung ke baad shanti ke khet khaliyano ko.

insaaniyat hi allah hai, insaaniyat hi raam hai,
gaur se dekhoge to muslim me raam aur hindu me allah milega,
jab eid me raam aur diwali me allah milega,
bas usi den se fir insaaniyat ka jashan hai.

hume inkar nahin

sahil ke sukun se hume inkar nahin,
magar tufano se kashti nikalne ka maza hi kuch aur hai,
mohabbat me zarra banane se hume inkar nahin,
par uski lau me aatish ban jane ka maza hi kuch aur hai,
phool ki mehak se hume inkar nahin,
par nashtar se ladkar us phool ko pane ka maza hi kuch aur hai,
andhere se hume inkar nahin par us andhere me roshni banane ka maza hi kuch aur hai

JIYE JA RAHA HUN MAIN

jeene ki umeed me mare ja rahe hain log,
marne ki umeed me jiye ja raha hun main,
khuda ko pane ke liye mare ja rahe hain log,
khud ko pane ke liye jiya ja raha hun main,
gammon se bachne ke liye khushiyon ko piye ja rahe hain log,
kushiyon se bachne ke liye gammon ko piye ja raha hun main,
manzil tak pahunchne ka rasta bana rahe hain log,
manzil ke baad ka safar tay kiye ja raha hun main,
meri nazmon ko gam samjhe ja rahe hain log,
lekin apni zindagi ke falsafe ko likhe ja raha hun main

MAIN SHAYAR NAHIN

dil ki baaton ko zubaan pe lata hun,
ashkon ki sihai se unko likhta hun,
ye koi nazm nahin doston ,
kyunki main shayar nahin doston

apne rooh ko chod aya hun kahin kisi mod par,
na jane khada hun kis manzar par,
ye koi safar nahin doston
kyunki ab meri koi manzil nahin doston,

na to shabdon ki jung ladunga,
na hi kalam ki talwar chalaunga,
ye koi jung nahin doston,
kyunkji main koi shensha nahi doston,

unki hasi me khush hota hun,
unke ashkon pe rota hun,
main koi khuda nahin doston
main badnaam aashiq kehlaya jata hun doston

SUBAH

Wo subah ki pehli barish ki boondain,
teen ki chat par padte hue kisi saz ko chedti ho jaise,
wo khidki ke pas baith kar chai ki chuski bharna,
gili miti ki mehak ko ek saans me sametna jeene ki umeed ka izafa karti ho jaise,
Door Parvaton ko chumte badal khushi ka raaz batate hon jaise,
wo baalon se atkheliyan karti hawa, bachpan ko phir jawan karti ho jaise,
Wo chehre ko chuti halki bochar man ko sheetal karti hon jaise,
Kahin ye sapna to nahin kahin ye janat to nahin,
sab kisse-kahani ki tarah samne ho jaise,
ye mera brham kisi ki maut,kisi manzil ke girne ki tarah akhbar ke panno ne toda ho jaise,
Haan ye sansar ki sachai hi hai jisme insaan ke roop me shaitan ji raha ho jaise.

gar tera saath ho

gar humkadam ban ne ka wada karo
to is kadar hi nazmon ko likhta rahun
gar tum meri nisha ka chand bano
to is kadar hi jahan ko roshan karta rahun

fizaon ne bikhera hain lakhon jalwon ko
magar kisi ko maine dekha nahin
nazren padi jab tere jalwon par
to ab nazren hatana mujhe gawara nahin

khwabon me tarasha hai jisko maine
wo ishq-e-but tum ho
jis phool ko chaha hai maine
wo mehkta kamal tum ho

gar tera saath na ho
to teri yadoon ko kagaz aur lahoo ko sihai banunga 
zindagi ka safar chahe kam ho
par khuda tujhe bana ke jaunga

dil ki shikayat

ye dil bhi kya cheez hai
rehta mere seene me hai par dhadkta kahin aur hai
mujhe isse bas ek hi shikayat hai
jo ise mil nahin sakta bas usi ki ise chahat hai

dillagi ye karta hai
aur badnam hame karwata hai
shayri ye likhta hai
aur badnam shayar hame khelwata hai

ranjhe ko fakir isne banaya
ghalib ko shayar isne banaya
shehanshaon ka taaj zamin par ye laya
bas shikayat to yeh hai ki uske dil me ye pyaar na jaga paya

manta hun ki ye dil hai jo lahoo ko pak rakhta hai
janta hun rooh ka basera ye hai
par us rooh ka kya jiska dil hi na ho
mera kya jiska tu hi ek sahara na ho

dil ki chahat ki seema nahin
tujhe pane ke liye bhi mere waqt ki seema nahin
tujhse mujhe koi shikayat nahin
mujhe to dil se bas ek hi shikayat hai
jo ise mil nahin sakta bas usi ki ise chahat hai

zindagi ya maut

aag kya jalayegi hume
sagar kya doobayega hume
seene me sholay liye jeete hain hum
sagar ko ankhon me panah dete hain hum
maut ko dost aur zindagi ko dhusman kehte hain hum
jeete hain zindagi jeene walon se zyada
kyunki maut ko gale lagake jeete hain hum
ise pagalpan ki had na samjhieyga aap
kyunki apni hadon ko badhana chahate hain hum
ise pagalpan chahe kahiye aap
lekin zindagi aise hi apnate hain hum
yeh tu shuruat hai aage dekhiya kya hota hai
kyunki maut ke baad bhi jeena chahte hain hum

aaj koi udas hua hai

na jane is mausam ko kya hua hai,
lagta hai aaj phir koi udas hua hai,
unki udasi ka alam to dekho
ki khud khuda bhi udas hua hai,
ansu chalke hain unki palkon se
dekho ki aaj fir mausam nam hua hai,

unhe maloom na tha ki zindagi unse chaltee hai,
fizaon ko mehak uski hasi se miltee hai
qayanaat bhi bejaan hai,
lagta hai aaj phir koi udas hua hai,
kyunki aaj phir mausam nam hua hai,

par ye barsaat bhi khel khelte hai,
mitti ke saath mil kar usko mehak dete hai,
sari qayanaat me jinne ki umeed jag uthi hai,
na jane is mausam ko kya hua hai,
lagta hai wo fir khush hui hai,
kyunki aaj to mehakti barsaat hui hai.

chahe jannat mile ya jahanum naseeb ho mujhe,
ye to mere mehboob ki mehrbani hai ki chahe apnaye chahe thukrade mujhe,
janat jahnoom hai mere liye gar wo na mile mujhko,
ab to ya wo naseeb ho ya jahanum mujhko

gar kisi roz tumhe na dekhun to bura mat manna
gar kisi roz tumse baat na karun to bura mat manna
main to bas chahta hun us samay khuda ko manana
ki is ishq-e-murat ko main hi chahta hun tarashna

humme wo fan kahan ki koi hamara kayal ho jaye,
ye to jazbaat hain jinme hum uljhe pade hai,
ye to jahan hai jo un uljhano pe kayal hai,

is dharti pe do chand the,
ek ko to tumne lau de di,
ab so jao kyunki us chand ka koi kasoor nahin jisne tumhe apni chandani de di

vaapis koun badalaa hai, saakshii hai ye dharatii-aasmaan,
kii vaapis khud khudaa naa insaan me badalaa hai
naa main khudaa hoon naa main insaan,
main to hoon in sab ke aks me chippaa shaitaan,
insaaniyat kaa matalab to haradam badalaa hai
par shaitaan kahaan badalaa hai

tere husn kaa jalavaa kuchh aisaa thaa ,ki khudaa ko apane chaand sitaaron pe bhi shak thaa,
gar too hoti us samay to heer ki jagah teraa naam thaa